ӨЗБЕКСТАН ХАЛЫҚ ДЕМОКРАТИЯЛЫҚ ПАРТИЯСЫ ҚАРАҚАЛПАҚСТАН РЕСПУБЛИКАЛЫҚ КЕҢЕСИ


«Өзбекстан ХДПның ең белсенди ҳаял-қызы» көрик-таңлаўы Нөкис қаласында өткерилди!

       «Өзбекстан ХДПның ең белсенди ҳаял-қызы» көрик-таңлаўы Нөкис қаласы басқышы 2018-жылдың 6-декабрь күни 2-санлы Нөкис Медицина колледжиде «Өзбекстан Халық демократиялық партиясының ең белсенди ҳаял-қызы» көрик-таңлаўының Нөкис қалалық басқышы «Баслама ҳәм идеяларымыз ғәрезсиз Өзбекстанның раўажланыўы ушын!» сүрени астында өткерилди.

Илажда Өзбекстан Халық демократиялық партиясы Қарақалпақстан Республикалық Кеңеси, Нөкис қалалық Кеңеси жуўаплы хызметкерлери, Халық депутатлары Нөкис қалалық Кеңесиндеги партия депутатлық топары ағзалары, бирге ислесиўши шөлкемлер ўәкиллери, партия белсендилери ҳәм ҒХҚ ўәкиллери қатнасты.

       Таңлаўды Өзбекстан Халық демократиялық партиясы Нөкис қалалық Кеңеси баслығы Нурлан Кышанов кирис сөз бенен ашты ҳәм барлық қатнасыўшыларды қутлықлап, оларға табыслар тиледи.        Жаратылған имканиятлар нәтийжесинде мәмлекетимиз парламентинде ҳаял-қызлардың саны ҳам үлеси оғада артып бармақта. Бүгинги күнде Қарақалпақстан Республикасы бойынша Өзбекстан Халық демократиялық партиясы ағзаларының 1600ға жақыны, яғный 45 пайызын ҳаял-қызлар қурайды.       Көрсетилген мағлыўматлардың өзи мәмлекетимиздиң сиясий турмысында ҳаял-қызлардың орны ҳәм белседилиги еледе артып баратырғанлығын көрсетеди.       Көрик-таңлаў қатнасыўшылары «Ҳаял-қизлардың машқаласын шешиўдиң ең нәтийжели жолы», «Сиясий ҳәзиржуўаплық» сияқлы инсан билими ҳәм санасын байытыўға, ҳуқықый саўатлылығын арттырыўға хызмет ететуғын шәртлер менен бирге жаңа жумыс орынларын шөлкемлестириў, халыққа хызмет көрсетиў сапасын арттырыў, өндиристи раўажландырыўға қаратылған түрли жойбарларды көрсетип берди.

       Таңлаў жеңимпазларын анықлаў мақсетинде, Төрешилер қурамы баслығы, Өзбекстан Халық демократиялық партиясы Қарақалпақстан Республикалық Кеңеси баслығының Ҳаял-қызлар мәселелери бойынша орынбасары Матякубова Назира Тохтабаевна сөзге шығып, қатнасыўшылардың топлаған балларын оқып еситтирди.       Таңлаў қызықлы саҳналық көринислерге тола болды.

       Таңлаў жумағына көре, «Өзбекстан Халық демократиялық партиясының ең белсенди ҳаял-қызы» көрик-таңлаўының Нөкис қалалық басқышында 2-санлы Нөкис Медицина колледжи оқытыўшысы Қаңлыбекова Улмекен Даулетбаевна жеңимпаз болып, таңлаўдың Қарақалпақстан Республикасы басқышында қатнасыўы ушын жолламаға ийе болды.

Жеңимпаз ҳәм түрли номинациялар бойынша ең жақсы деп табылған таңлаў қатнасыўшылары Өзбекстан Халық демократиялық партиясы Нөкис қалалық Кеңесиниң арнаўлы диплом ҳәм естелик саўғалары менен сыйлықланды.

1-орын  Қаңлыбекова Улмекен Даулетбаевна 2-санлы Медицина колледжи оқытыўшысы

2-орын Гулманова Паруаз Жумабаевна Ташкент информациялық технологиялар университети Нөкис филиалы Академиялық лицейиниң «Шет тиллер» кафедрасы баслығы

ал 3-орынды болса Абдисалимова Феруза Ерсалимовна 1-санлы шаңарақ поликлиникасы мийирбийкеси ҳәмде Турежанова Гулдерай Жумабаевна Ташкент информациялық технологиялар университети Нөкис филиалы Академиялық лицейиниң жаслар аўқамы басланғыш шөлкми жетекшиси ийеледы.


|  69 |
  1. Ўзбекистон Халқ демократик партияси Фракцияси фаолияти
    Ўзбекистон Халқ демократик партияси Фракцияси фаолияти
  2. Ўзбекистон Халқ демократик партияси Фракцияси фаолияти
    Ўзбекистон Халқ демократик партияси Фракцияси фаолияти
  3. Ўзбекистон Халқ демократик партияси Фракцияси фаолияти
    Ўзбекистон Халқ демократик партияси Фракцияси фаолияти
  4. Ўзбекистон Халқ демократик партияси Фракцияси фаолияти
    Ўзбекистон Халқ демократик партияси Фракцияси фаолияти